Letizia : Sentite. Nantu à a guida ne parlanu. A chjamanu « A torra pendente »
Marcella : Ùn ci hè bisognu à leghje nantu à i libri chì basta una fidighjata !
Maria (scherzosa) : Si vede subitu ch’ella pende postu chì ti vene subitu u torcicollu
Marcella : Hè per quessa ch’elli viaghjanu tutti cù u collu stortu !
Letizia : Ma fate la finita ! Sapete ch’elli a contanu trà e maraviglie di u mondu ? Chì maraviglia sta piazza! Un miraculu ! Porta bè u so nome : « Piazza di i Miraculi ».
Maria : « Piazza dei Miracoli »  si dice in talianu.
Marcella : « Piazza dei Miracoli » « Piazza di i Miraculi ». Ùn sò ciò ch’è vo ne pensate voi. Eiu più và è più aghju l’impressione ch’elli sò quasi listessi u talianu è u corsu…