Versione :

Ducumentu
Pruvincia di Catania

Geugrafia

Eccu numerosi paisaghji varii assai. Assai pianure larghe è trà quesse, a pianura di Catania. U monte più altu in a pruvincia hè  l'Etna (3340 m, vulcanu più attivu in Europa).

À nordu ci hè u fiume d'Alcantra chì face u spiccu cù a pruvincia di Messina. Dopu cunfina cù u parcu di Nebrodi. A pruvincia l’accinghjenu e serre di i monti Aereni è i monti Ibleani.

Ingiru à u vulcanu ci hè verdura, castagneti è pineti. A vegetazione di u parcu di l'Etna hè fatta pè u più di ghjinepari. À l'ueste di u vulcanu ci hè a riserva naturale di u fiume Simeto.

Idrugrafia

A vasca idrugrafica hè a più maiò di Sicilia. Ci sò u fiume maiò u Simeto è i so affluenti, u Gornalunga è u Dittaino. Issa vasca chì face più di 4300 chm2 corre pè a pianura di Catania. U più di issi fiumi anu a so surghjente in i monti Ereani è Nebrodi. Và secondu e stagione è e precipitazione, ma in generale a vasca hà acqua à bastanza per via di e neve chì strughjenu.

Ci sò i ghjargali sottuterranei: quellu d'Amenano, interratu dopu à l’eruzzione di u 1669 è quellu d’Ognina (o Lognina). Dopu apertu si un crateriu in u 1381, affacca Aci, un fattu chì hà inghjennatu legende è miti tanti è più. Listessu affare pè u fiume Alcantara.

I lavi

Lavi maiò ùn ci ne hè, ma lavi naturali ci sò in e zone prutette.

A riserva naturale di Simeto saria u restu di un ecosistema maiò (parechje zone umide : Agnone, Valsavoia (Lentini) è u  Pantano di Catania). Oghje fermanu i lavi di l’anziana zona umida cù:

  • u lavu di Gornalunga
  • u lavu di Gurnazza,
  • u lavu di Salatelle,.

In u parcu di Nebrodi:
       U lavu di Trearie: lavu naturale in altura (1435m).

À nordueste di l'Etna :
        U lavu Gurrida

I lavi artifiziali :

  U lavu Dirillo,
  U lavu d'Ogliastro,

 

E muntagne

L’Etna hè u monte più massicciu è più altu di Sicilia

U mare

U mare Iunianu tocca a costa di a pruvincia cun più di 65 chm.