A Pruvincia di Ragusa (Rausa in sicilianu), cun capitale Ragusa.

Hè à sudeste di a Sicilia. In cunfina à l’este ci hè a pruvincia di Siracusa, à nordu a pruvincia di Catania è à l'ueste a pruvincia di Caltanissetta. À sud, ci hè u u Canale di Sicilia. A pruvincia hè à u pede di i monti Ibleani, cun puntu più altu à 986 m.

Duie cose particulare : l’autunumia larga ch’ellu dete u cuntatu di Modica, trà XIVu è xix^u seculu à e so terre, assai più ampie chè a pruvincia d’oghje.

A valle di l'Irminio è u vallu d'Ispica sò stati visitati tantu è più da i rumantichi di u Giru Grande. A costa sana hè d’interessu maiò cum’è i pantani di Longarini, duv’elli facenu l’arretta tanti acelli migratorii.

Ecunumia

U più hè l'agricultura. U marcatu di Vittoria hè unu trà i più impurtanti d’Italia. Frutti è urtaglia d’issa pruvincia partenu in l’Europa sana : uva, pumate, artighjocche, amandule, aranci, limoni, carotte…

I munimenti fatti cù a ricustruzzione in sequitu à u terramotu tremendu di u 1693 ornanu e cità di a pruvincia cun l’opere d’arte barocca. Trà di quesse, Modica, Scicli è Ragusa si ne sò scritte à u patrimoniu mundiale di l'UNESCO. In Ragusa ci hè una succursale di l'Università di Catania.