Salute,

Simu felici di passà una stonda cun voi.

Vi prupunimu un giru pè a Sicilia. Quella fisica, geugrafica è tamanta cù a so diversità di siti, di coste è di curiusità. Ma ci hè l’altra dinù. Quella di a storia, di una volta, d’oghje è chì ci insegna tantu s’è no a sapemu fighjà è sente.

Hè capita chì ella ùn sarà chè un’affaccata, ma simu sicuri ch’è vo sarete chjappi è messi in suchju è andà à vede ne è sente ne di più.

Per sta prima parte ci saranu dui appuntamenti:

• Un VIAGHJU GV cù un testu dettu è scrittu chì hà da sfilà longu à qualchì vista filmata
• Un scontru cun STUDIANTI IN STUDII CORSI di Corti  Anu studiatu qualchì aspettu di l’isule di u Mediterraneu Uccidentale è si sò cansati una cria cù a so prufessora, Patrizia Gattaceca. È ùn s stati tantu à insignà sumiglie è differenze cù a Corsica è a Sicilia.

Dopu vistu è studiatu l’inseme di i ducumenti ch’ella vi prupone issa sequenza, s’ella vi pare, ci pudete dumandà ciό ch’è no ne pensemu di e vostre reazzione. Per quessa ci pudete mandà u vostru parè –è e risposte à l’esercizii ch’è no vi prupunimu- cun l’inviu di mails, soni o filmetti arrigistrati (mp3 o mp4) indirizzati à : asso.ccu@wanadoo.fr