Sò parechji anni ch’ellu si parla assai di e relazione trà e regione mediterranee. Ci vole à ralegrà si ne. Hè più chè ghjusta chì durante tanti anni issi lochi è isse culture anu fattu cum’è s’elli ùn si fussinu mai cunnisciuti nè frequentati. Sinu à scurdà si chì a vicinanza era durata seculi è seculi. Di fatti, creatu i Stati muderni, fù rotta l’antica cuntinuità trà terre, scambii di ropa, d’idee è di culture. È da tandu i populi vicini scumbattianu cù altri capatoghji chè di circà à assigurà e sumiglie anziane.