Ducumentu
Maò, britanica per centu anni
![](https://interromania.com/sites/default/files/styles/image_548xx/public/1_mao.jpg?itok=df8CfTpz)
L’Inghilterra ebbe Gibraltar è Minorca dopu à a Guerra di Successione di Spagna trà i Burboni è Hasbourg. Cusì Minorca si firmò britanica quasi sempre trà u 1708 è u 1802 è pè l’Inglesi sarà un puntu strategicu in a Vasca Mediterranea è firmerà stampata in tutta a regione di Maò.
Per l’isula, a prima tappa di issa occupazione insoma fù benefica pè u prugressu è a prusperità.
In u 1722 Maò fù capitale di l’isula è u portu più praticatu in u Mediterraneu. Si sviluppò a rete stradale, ci si fece u primu ospidale britanicu, si mudernizò u sfruttamentu agriculu (sopra à tuttu fendu vene nove razze di vaccine è di pecure) è fù suppressa l’influenza di l’Inquisizione.
Ma subitu ghjuntu u secondu guvernatore, a pupulazione messe à pate di u monopoliu britanicu di u cumerciu è turnò assai povera.
Dopu litiche è cunflittu cù a pupulazione minurchina Londra si fece più dolce: tandu fù fatta a prima chjesa catolica sottu occupazione britanica è aprinu parechje scole pè i Minurchini più poveri.
Sottu à i Francesi ci funu parechje epidemie di Malaria (1756-1763, fine di a Guerra di Sette Anni).
Vultati ind’è l’isula, l’Inglesi ripiglionu a so pulitica di sfruttamentu è pruvonu ad arradicà ci a religione anglicana.
I Minurchini si avvicinonu ancu di più cù a Spagna è a Chjesa catolica. Dopu cù a Pace d’Amiens Minorca diventò spagnola. ( In Maò, a chjesa Santa Maria hè simbulu di a resistenza contru à l’occupante).