Firmadi
subra su passu mortu’e sa die.
No’intendes sas ‘oghes
presoneras de s’iscuru?
Asculta sa luna serena
comente un’ispiritu’e lughe piena.
Dae s’addhe ‘e su’entu pigadat un’ispera
ch’invitada sas umbras a giogare.
Su sonnu mi tentadat
in oras ismentigadas
sos oios tuos mi prendene
a unu lettu ‘e pedras brujadas.
Affianzada in un’ammentu
t’ido chèna ti podes toccare
comente custa lughe chi faladat fritta
carignende sos alveros e su mare....

T’ido dae fora
esiliadu in pensamentos
chi faghene s’orizu
a s’estimenta ‘e sos annos.
T’ido dae fora
semper abertu a sos ‘entos
cun sos ojos imbezzados
brillende de lughes pius mannas.
T’ido dae fora
cuadu in su silenziu de su sero
cun s’anima brinchende
sos aidos de su coro.
T’ido dae fora
cun sa lughe de sa mente
natte e die pessighende
sa vera Libertade.
Carignende unu momentu
intro’e s’anima s’abberini
sos chelos de su tempus
s’ischidana sos ammentos :
Cuntentos che pitzinnos

Altu - in su troppu romùriu
e in su troppu silenziu - amori,
cun is passirilantis de sa luxi
su coru s’inarcat in is celus.
Non sighit ateru bòlidu che unu sentìdu
lèbiu, fuìu chini scit a cantu tramperìas
i a cali temporadas, fini
arrastu di alas in su mori. Hapu
circau sa luxi e bollu vetti a tui,
doppiu naviu de carrigu. Nisciun’atera
tenit stiva aici prena : totu su prantu
e s’arrisu, su pagu gosu e sa pena.
Tui ses che cammellu sidìu
de un’oghiada, lambriga nùa chesciàda,

a pustis est arribada sa morti
a s’edadi mia toccat a essi sempri prontus
i’ nais tendint a terra grais
stibbadas in sa distanzia de casi unu silenziu
ma est aintru chi murmuttat sa cuscienzia
de s’acabu - diaderus non seus mai prontus
in totu - sa vida stremèssiri comenti aintr’e una rezza
si trobeddat in dd’unu nienti su cabudu estremu
su suìdu, est aici chi s’intrat in sa storia
ripitiri a boxi arta is urtimus fueddus de su liburu
sa pregadorìa chi segundu is intenzionis
depit lompiri a su scopu umili e schetta

Aìani l’odori di lu fenu
li to’ capiddhi di culòl di pani
undi cuàa la cara a contraentu
cun técu a la spusédda in briccichetta
(la Combet di babbu ) in bolu ‘n bolu
pa cadé’ in un oldini di ‘igna
pienu d’alba e di frondi, primma lettu
di cruda ciuintùra.
La bibbènna
cumprìta séra séra ti lacàa
un ammentu di risa illi cantegghj
aumbrati di pampani e un saori
illi labbri di mustu, puppioni
furat’a l’abbi primma di la notti.

Cun folza di mare
mi ni pési
come alba marina
strappendimi radici
ghjà da troppu
tempu liati a inutili ricréi.
Più allonga, sempri
più allonga,
in viagghju, unda pa unda,
a alti paradisi di spiagghj,
mandatagghju a innommu di lu ‘entu,
sempri prontu
a turrà a paltì,
felmu solu un mumentu
chi possin’atticchì
li radici e li frondi turrà veldi.

Su Mare e su Bentu
ghettan funes inoghe
in custa peitta de logu
abetuada
a s’andalitorra de sos sentidos.
Su Bentu muilat
pitigat e ispinghet
a buleu.
Sas undas ispuman
peraulas in s’arenarza.
Bentu
subr’a nois, iscappadu
comente sos caddittos de sa Giara.
Mare
orizadu a imbenas
comente sa bestimenta noa
de sa prima Comunione.