Ùn sentu sunà e campane
À la ghjesa di sant'Anna
À u sprochju di a mane
À quell'ora paesana
Di e spassighjate cutidiane
Ma duve sò ste campane?
O ma duve hè stu rimore
Chì d'un paese porta l'amore!
Guasi si ne sò scurdati
Cum'è d'a storia spugliati...
Si sbaglia ancu u prete à l'altare
Ma si cunnosce di più l'altru mare
Sottu à'ssu lume Curtinese
In fine bellu locu di surprese
Vensenu quì l'anime svegliate
È pò le to bellezz'assidiate
Ghjunta fusti cù lu to surisu
Ci vensi anch'eo, ùn sapendu chì fà,
Ma cun quellu sgard'indecisu
Ci lasciai u core da quì è da quallà
Sè oghje à tè possu pretende
Quì la mio funa ti possu tende
Per aisà ti ver d'u celu
Cum'è d'u paradisu quell'acellu
Or ti possu dì francamente
Senza tir'è moll'in mente;
Sì quì à traversu l'onda
Sì la mio più bella stonda…
Sè li pienti d'una mamma
Ùn ti ponu dà la brama,
S'ellu si pò scruzzulà
Senza mai cunsulà
Issi suspiri cus'ingrati
D'una sterpa disprezzati
Ma dumane lu ricordu
Ellu pò sembrà balordu
Ci vulurebbe cusì tene
Issu sonniu à l'avvene
È ghjè cù quelle lacrime
Chì ci scrive duie rime
Ùn mi possu addurmintà
Perchè oghje u to surisu
M'hà da purtà In paradisu
Quelle notte per turmintà,
Issi sunniacci passati
Chì ci anu tantu disturbati
Sè oramai quì si stringhje
U mo core chì si spinghje
Duie petre è un rialzu
Una storia s'annunciava
È u mio sguardu l'inalzu
Vers'u mondu s'aisava
Tutt'i populi passati
Quell'impronte tragiche
In terre pacifiche
È tant'omi disturbati
D'a Nazione a cuesione
Per nostra lingua l'unione
Una lotta di tant'anni
È una storia d'affanni
Una lingua pruibita
O terra corsa addunita
U to corsu cusi raru
Ma lu to populu t'hè caru
Ma s'è dumane a ghjuventù
Fiurisce cù tanta virtù
C'hè st'azzione Chì nascerà
È senza ella ùn sbucciarà
Civis pacem para bellum
Una stonda è pò vene u francese, imbulighjatu è francese da ingruviglià. Iè vene sì u francese, quellu di a fruntiera turchina per suminà un desertu. Una stonda è pò vene u francese, quellu di la cunquista feroce è quellu di a sculuccia di Jules Ferry. Iè vene issu francese, quellu di a ierarchia umana annant'à a terra di l'omi!
Mesi fà hè sparita Dana Marina DUMITRIU, insignante-circatora di l’Università di Craiova, dapoi u 2005 in missione à a Sorbona (Parigi 3), è po Secretaria Generale di l’Osservatoriu Europeu di u Plurilinguisimu (OEP). Pè e so prime affaccate in Francia, in l’ultimi anni 1990, avia fattu in Corsica parechji sugiorni è si era appassiunata pè a lingua corsa ch’ella cunniscia è manighjava. Eranu state pè ella l’occasione di fà belle traduzzione in rumenu è per noi una campa di vede parlà si duie lingue rumaniche poche avvezze à u cuntattu, ma cusì di sumiglia.
Dapoi u principiu di l’annu 2012 hè principiatu un travagliu chì prumette assai. Hè cuurdinatu da una puetessa è traduttrice di gran talentu, oramai fidata di a Corsica è chì ci face visita regulare. Megliu chè Rosa Alice BRANCO ùn ci pudia esse à purtà issu prugettu. Un primu scontru si hè fattu di aprile, un altru di ghjugnu in Parigi à l’occasione di u Marcatu di a Puesie, Piazza San Sulpiziu chì festighjava quistannu a so trentesima edizione. Hè previstu di fà a cunclusione d’issu travagliu durante a stonda « Turchinu Maiò » (Corti, 13-14.11.2012)
Avec la venue de Rosa Alice Branco (Portugal) l’Association de Soutien du Centre Culturel Universitaire célèbre le « Printemps des Poètes » du 3 au 5 avril 2012.
Rosa Alice Branco dirige en ce moment une importante opération de traduction de quelques-uns des poètes corses contemporains, avec le soutien de la Direction Lingua Corsa de la CTC. Cette anthologie corse-portugais sera ensuite éditée et diffusée au Portugal.
Una pagina chjappa in e prove in ballu :
U mari s’affusca
A boci di l’anitri
Hè par pena bianca.
O mar fica fosco
O grito dos patos
É esbranquiçado
...
In sigretu a notti
I varma in i castagni
Sutt’à a luna.
Em segredo a noite
Os vermes nas castanhas
Sob a lua
Rosa Alice BRANCO pè issa antulugia hà vulsutu sceglie pochi pueti, è dunque testi à bastanza, in modu à pudè spechjà isse opere in manera apprufundita. Postu chì u destinatariu hè un publicu chì a scrittura corsa, ùn la cunnosce mancu à pena :
• Ghjacumu BIANCARELLI
• Alanu Di MEGLIO
• Ghjacumu FUSINA
• Patrizia GATTACECA
• Sonia MORETTI
• Lucia SANTUCCI
• Ghjacumu THIERS
