Antonu : Quantu ci sarà chilometri trà Prubià è Aiacciu ?
Maria : Ci voli à cuntà un’ ora ; dipendi s’è tù vai in piena cità o in i cuntorra ! (avvidindu si chì Ghjacumu si ni ridi) O Ghjà, chì ti pidda ? Aghju dittu un sprapositu ?
Ghjacumu : Innò, hè comu s’è ti dumandaiani l’ora è ch’è tù rispundii : « Semu luni ! »
Maria : Ah ridi puri, chì cacciata! Sai chì noi Corsi cuntemu in ori di viaghju, micca in chilometri…
Leria : Hè a tarra chì cumanda. S’è tù se in piaghja, u viaghju hè più curtu…
Marcedda : S’è tù coddi in muntagna, hè più longu …
Ghjacumu: A Corsica dicini ch’idda hè una muntagna in u mari…
Maria : Hè com’è u mondu, hè fattu à scala…
Leria: À chì codda è à chì fala !
Antonu : È à chì pianta, ùn ci ni hè micca ? Ùn mi pari micca ch’è no semu prissati prissati. Ci pudariami cansà un pocu…
Marcedda : Un pocu più insù, a vista hè più bella : si vedi sinu à San Ghjorghju.