UN SGUARDU RISPETTOSU DI A CUMPLESSITÀ CULTURALE

Don Matteiu SANTINI accosta a quistione di a definizione trà fole, racontu, mitu è altru senza laca da cantu tutti l’aspetti d’issu patrimoniu tramandatu in e culture è spessu agrancatu da e vuluntà di categurizà in manera chjara è netta e pruduzzione trsferite in modu urale, spessu à tocca tocca in giru à u fucone o in piazza di u paese.

Ramenta chì à l’origine d’issa ricerca ci hè a frizzione di vede issa lascita culturale in periculu è po chì ella ci si hè appiccicata a memoria in famiglia di e fole conte da u babbu capifulaghju è po dopu, à l’ultimu, u bisognu di capisce l’intrecciu strettu strettu di spressione chì e varie attitudine scentifiche, filusofiche è literarie anu vulsutu simplificà cun categurie belle nette è spiccate.

À l’incuntrariu di l’accademisimu spone l’idea di un studiu primurosu di capisce u significatu di issu patrimoniu vivu da fighjà in a so cumplessità