SPASSIGHJATE : U PULASCA
Spassighjata literarie è pedagogiche
![](https://interromania.com/sites/default/files/styles/image_400xx/public/1_5.jpg?itok=9tDj6GmX)
![](https://interromania.com/sites/default/files/styles/image_400xx/public/2_3.jpg?itok=DafyY7EX)
![](https://interromania.com/sites/default/files/styles/image_400xx/public/3_2.jpg?itok=znk26cS7)
![](https://interromania.com/sites/default/files/styles/image_400xx/public/4_2.jpg?itok=Ow9ePTQF)
![](https://interromania.com/sites/default/files/styles/image_400xx/public/5_2.jpg?itok=AAI5lZMq)
![](https://interromania.com/sites/default/files/styles/image_400xx/public/6_2.jpg?itok=II9sO7YV)
Micca luntanu da A Ponte à a Leccia, eccu una spassighjata magnifica partendu da quellu bellucciu paese di Castiglione, da a banda di l’Ache di U Pulasca, è pè andà sinu à l’Arca bellissima d’Alsatu. Simu chjappi da l’incantesimu di a Natura, 700 metri di slivellu pusitivu per 11 chilometri, fù una bellissima ghjurnata di vaghjime sottu à u sole.
Si merita l’Arca, dopu una piccula falata vicinu à u paese, l’attippata è in cuntinuu, emu cruciatu solu un cavallu è vitelli... L’Arca ùn si vede chè à l’ultimu, dopu una stinzata in un petricaghju ch’ellu si pò schisà passendu nantu à a manca. A vista nantu à l’Achi hè da sfiatà vi... L’emu propiu meritatu u rompidighjunu imbellitu cun bella roba purtata da unu è l’altru. A spassighjata, hè fatica sana è dinù cunvivialità !
Attenti vè ! s’è vo vi lampate in issa ventura custindi, u chjassu hè insignatu malissimu !!!
Arca in petra, un esempiu trà tanti altri in Corsica, a più maiò essendu quella ch’ellu face U Tafunatu
Eccu dui caracuti assignalati.
Aghja incù i so baroni
Ombra di l’arca stampata nant’à e parete vertiginose chì sò sottu
Pianu ghjimbatu d’Alsaltu, luntanu a forma à manca di u San Petrone chì si vede da ogni puntu.
Una valle salvatica è pratica pocu è micca chì và sinu à Cima à i mori