Versione :

Spassighjata - LES TUILERIES è A PUNTA DA PARECHJI SECULI

A- Cù una cumanda di l’anziana regina Catherine de Médicis, l’architettu Philibert de l’Orme mette à custruisce u palazzu di Les Tuileries in u 1564. U ripiglia Jean Bullant è po’ un seculu dopu l’architetti di Louis XIX. L’anzianu palazzu di i rè di Francia hè brusgiatu durante a Cumuna in u 1871 è e so petre sò rivendute à lotti in u 1880.

B-Unu trà i più impurtanti d’issi lotti l’hà compru u duca Jérôme Pozzo di Borgo da pudè fà u castellu ch’omu cunnosce nantu à una terra di 40 ettare sopra à Aiacciu. Iss’edifiziu ... -chì l’elementi i più da rimarcà cumu i sopraporta, e curnichje o e culonne sò esciuti da u palazzu pariginu-... iss’edifiziu hè compiu in u 1891.

C-A facciata sud hè fidata cù u prugettu maiò di Philibert de l'Orme è a facciata nordu hè una ripruduzzione propiu listessa di l’opera prima di Jean Bullant. U castellu, chì per finisce hè statu cunsideratu impussibule ad allughjà si ci , tandu ghjova di museu famigliale sinu à l’anni 1970. U so tettu hè statu brusgiatu da un incendiu in u 1978 è u munimentu, classificatu da u 1977, hè statu compru in u 1991 da u cunsigliu generale di u Pumonti chì arrangia u tettu in u 1996. In u 2017, a strada di  7 chilometri hè rifatta sana da u CD 24 ma u casamentu era lacatu “à l’abandonu”.