Surella assassinata ( Per Julie Douib )

Surella assassinata ( Per Julie Douib )

Anu tombu una surella
Corre corre a vuciata
Hè morta cum'è un'agnella
L'isula hè spaventata
Pienghjimu sta poverella
Ch'ùn hè stata aiutata

Un vigliaccu s'hè permessu
Di mandala à l'altru mondu
Ellu avia un cumplessu
Chì u rendia furibondu
S'ellu perdu lu pussessu
Si ne và à u sprufondu

Spostu ghjè lu so ritrattu
Marchje sò organisate
Ma ghjè in vanu stu cumbattu
D'altre donne sò tombate
Cascanu nant'à un mattu
Ste femine disgraziate

Cumu fà ch'ella sparisca
Sta sciagura di la terra
Chì l'assassinu capisca
Ch'o li feremu a guerra
U Signore benedisca
Ste vittime sottuterra.
 

Cathy Campana
Marzu 2019