I sun çesciüda
de checio,
en checio scarzé
dal ciol checenin
entont tal söiûs dla sajun
de döt le sojeré

I sun çesciüda
de vërt
en vërt d'en fazorel verdic
ciolé encër le côl sora striares de festide
de dötes les coades

I sun çesciüda
de bröm
en bröm d'en ciaz descolorí
cují y cují danö da na man rünada, da cretes
scarniz de na straciaría stançia
de dötes les racoltes

I sun çiosciüda
de fosch
en fosch de borduns fosc
co fej mé por i dolurs dui iadi tan gragn
de dötes les agoníes

I sun çiosciüda
de ghel
en ghel de na çiamëja gnüda ghela
adorada dala chesçiana da coraji
dertan les ores d'amur sön urt
de vigne sodesfaziun

I sun çesciüda
de blanch
en blanch de draps slaoris
slaoris d'alba tles mans aüsades
de chëres co chëi beles strömies i soms
de dötes les somenades