Versione :

Dune di u Bogatell

 

Chì ghjornu ùn penseraghju à l’appartamentu
cù e parete strittamente pitturate in rosulu?
Ghjungu in casa cù i scarpi pieni di rena,
crosciu lapidu è ùn aghju più da fà altru
chè fighjà a fottò
chì ti distingue cù a maglia
di leopardu ch’è tù ùn vulesti tene,
a voce di Lou Redd ch’è tù ascultava
è cù a to risa bella felice.

Camingu imbuscatu di vaghjime
pè u curridò, chì ùn vogliu
ch’ellu ricordi puemi sopr’à tè,
dilusione incrispita senza parolla
in u vasu liquidu duv’è tù ti movi.

Ascolta ciò chì ùn si vede
è rileghji ciò chì ùn ti aghju dettu.
Costa di scrive,
costa di scrive per tè,
costa di scrive
sopr’à a forma di u focu è di u ghjacciu,
sopr’à e zampe di u serpu,
sopr’à avè tutta l’aria è ùn rispirà micca.
Costa di scrive sopr’à tè
è di ùn avè u piattu à u passà di l’anghjulu.
Costa di scrive
quandu ùn sò duve sì.

Costa à ripete la.
Costa à ripete la?
Ancu più di scurdà si ne.