À chì campa sperendu...

Ci sò quelli furtunati

È dinò i scurciulati

Dipoi chì u mondu hè natu

Ditemi ciò ch’hà cambiatu

Ghjè per certi l’ammansera

Pà l'oscuri a galera

I rè sò stati scapati

Po' subbitu rimpiezzati

Solu i nomi barattati

Ma sgiò ricchi sò fermati

Sempre più alti chè l'altri

Per piglià sò belli sgualtri

Macron prumette a luna

Baullu à chì ci crede

Ellu l'allonga issa funa

È vi caccia ancu a fede

À i techji i biscotti

Noi manghjemu pomi cotti

Un ghjornu si Diu vole

Ci serà soldi per tutti

Parsiche runzicaghjole

Vinu bonu è prizutti

Quellu chì campa sperendu

Ùn pò chè more cachendu

Cathy Campana