Cathy CAMPANA ci ramenta in puesia un episodiu tremendu è penosu di a storia di Corsica

Canavaghja

 

Paisolu rinumatu

Altu situ di memoria

U so nome hè fissatu

Pà l'eternu in a storia

Quand’ellu hà capitulatu

St'ottu maghju di maloria

 

Ripigliu

Canavaghja Canavaghja

Ùn ti scordà di la storia

Canavaghja Canavaghja

Ottu maghju di maloria

 

Sò morti i paolisti

Fieri corsi bellicosi

Tutti di ceppu cursisti

È di libertà bramosi

Contr'à i colonialisti

Ghjunti troppu numerosi

 

Ripigliu

 

Sciagura in a Custera

Tempu di Lume amaru

Lamentu per a spartera

Cù sangue in calamaru

Rossa era la bandera

Di fronte à u barbaru

 

Ripigliu

 

U San Petrone vicinu

Cundanna l'aberrazione

Po'da sopra à lu Rustinu

Sussura cunsolazione

Preghendu un altru destinu

À a Corsica Nazione.

 

Ripigliu

 

CathyCampana