Prima di tè

Prima di tè ùn cunnuscia u focu
nè mancu sapia chì a megliu manera
di parlà fussi a somma di e mani
è a voglia di sente ti accantu.
Nè chì i corpi franchessinu a pelle
è cuntinuessinu à esse materia
puderosa luntanu di se stessi.
Scopre chì u silenziu tra dui mondi,
mettimu tù è eo, dicia assai di più
chè sta inutile è assurda abitudine
di parlà attraversu e parulle,
m’attunì quant’è di vede chì e strade
sò infinite è chì nisuna porta in Roma.
Prima di tè ùn cunnuscia i ghjochi
di mani chì si ponu fà cù u calore
di a to bocca è e punte di e dite.
È chì u suppostu donu di a parulla
ùn vale nunda quand’è tù voli dì l’aliti.