À CHÌ FACE FACE À SÈ! U MALE CUME U BÈ...

https://www.youtube.com/watch?v=eIT7aYfC9HY

 

À CHÌ FACE FACE À SÈ! U MALE CUME U BÈ...

Allora, vi aghju da cuntà una fola… una fola petralbinca... In Petralba, indù i tempi ci stava un vechju rimitu… Ma era vechju.. Ùh cum’ell’era vechju! Ottanta, novanta, centu? Ùn si sà ùn si sà... è ci stava custì, à cantu à l’intrata, in una grotta... è campava miseriosu... ma era miseriosu... Allora chì fecia? U sabatu andava è girava i forni ... è dumandava a limosina... è unghjunu li dava secondu u passeghju. Li dava qualcusella. Un ghjornu hà dettu: “Tè ci vole ch’o m’atteppi custì!” Piglia è s’atteppa... Colla... Pianu pianu è bellu bellu ma, ùn ci la face micca hè vechju è ghjunghje custì, è trova u castellu di l’Ulmisgiana. Euh! Hà dettu! ... Iè, hè surtita a signora, hà dettu: “Iè, chì ci hè u mo bellu? 

  • Ah s’è vo avete un’ascrachju... qualcusella
  • Ah! Iè, stu pocu hè tantu boh... un ascrachju ùn la sò...

È avia pigliatu u mendu..... Si face chì ogni sabatu si vulia buscà qualcusella... s’affaccava.. Hà dettu quella: “Ci vole ch’o u svezzi! Ci vole ch’o u svezzi, ùn ci hè manera custì...” Ma era pessima. Allora ciò ch’ella hà fattu: hè passata, hà pigliatu ùn sò chì arba... pè avvelinà lu hein! Ùn si sà chì arba... Saria un’arba... a infrugnà ind’a pasta, infrugna inforna face, è quellu, quellu ghjornu, quella era tranquilla, l’aspettava... Quand’ellu ghjunghje... Quella hà dettu... “Oh oh! Oghje caschi bè! Aghju fattu una... schjaccia! Mì, a più bella hè per tè!”  A si piglia ma facia u caldu, facia u caldu, allora u corciu... era cuntentu, si cuntentava di pocu, è hà dettu... Aghju da fà capu è s’è t’ai da andà, vai puru è fà i to affari.. chì u tempu s’ingattivisce... Bah! È si ne passa, ... Più bella u tempu... principia à move: tuttu... Acqua, ventera, affari, toni, saette, tempu ghjuntu ind’è ellu, più bellu si mette à piove, è più inlà ci era u figliolu di a signora, ghjustamente era pasturellu, dava capu à i so animali, è hà dettu quellu: “Veni è agrotta ti...” Passa, s’agrotta, si mette à pusà nant’à un troppulu o chì ne sò eiu, hà dettu: “Tè aghju pochi affari, ma u pocu ch’aghju po’, u sparteremu! “ Eh! Sparteremu... Si piglia un buccone di quella scaccia, face per ingolle lu custì, tempu ingullitu dice... quellu buccone, dice, l’hà... sudava... facia, si vulia arrizzà ùn pudia micca, piglia è casca seccu cum’un chjodu. U cane chì era andatu fora, ma si n’hè avvistu... entre è si mette à abbaghjà à a morte, è a signora ch’era sentichjula, da quassù, hà capitu... Ùn vulia micca capì, ma hà capitu chì qualcosa... piglia è corre... fala à falera corri currendu... è quand’ella ghjunghje, trova u figliolu custì, straiatu in pianu bò! Mortu! Bùh! Spaventata à l’usu corsu, principia è strida è quellu chì hà capitu è li dice tandu : “Era maladettu! À chì face face à sè ! U male cume u bè »

Eccu… Pò andà ?