RITRATTI È RAPRESENTAZIONE DI A CITÀ IN A LITERATURA CORSA

Scontri di 30.11.2017

Marina BRANCA è Philippa SANTONI, treminduie Munitrice di u CCU, presentanu è facenu l’animazione di i varii mumenti d’issa stonda chì accosta parechje illustrazione di a maghjina di e cità corse in a literatura. Cusì sò ammintati unepoche d’opere di parechji generi, è à principiu “A piazza San Niculà” di A.F.FILIPPINI. Saranu dinù mintuati in modu più o menu largu rumanzi, sopra à tuttu ma ancu nuvella,  puesia è teatru, è in particulare Pesciu Anguilla (1929), In corpu à Bastia (2003), U ghjornu ch’ellu vultarà (2003), Migrature (2004),  U Sangue di a passione (2007),  N’aghju da empia un campusantu (2010), Caotidianu (2010), Cosa ci sarà stasera à u teatru? (2013), Chì ùn sia fattu di guai (2016), Cosa ci sarà stasera à u teatru? (2013), U Palazzu di i guvernatori (2017) è tante altre riferenze cumu l’opere di Marcu BIANCARELLI o Paulu DESANTI. I varii baratti trà intervenenti è publicu anu postu quistione studiate ma sempre aperte: nustalgia è scrittura, strutture culturale è quartieri di a cità, mutazione di a cità, migrazione, terrurisimu, storia, trasfurmazione ecunomiche è imaginariu novu di a cità. Di sicuru, issa spechjata tematica hà toccu dinù altre quistione più generale, ad esempiu: quale parla in u scrive, narratore o autore? È po, strada facendu, qualchì barattu in quantu à i mudelli canonichi di a literatura corsa, francese è altra. 

Visionner la vidéo