Innó, L’Alguer ùn hè micca in Catalogna, puru s’ellu ci hè l’improntu catalanu è baleare, in issu rughjone sardu. In fatti basta à francà u passu è, da un’isula à l’altra più o menu vicina, ci pare di esse in qualchì arcipelagu... À puntu, parlendu d’arcipelaghi, andemu à accustà ne un altru, da a banda di e baleare? Custì dinù, scumettimu chì ùn ci mancaranu nè identità forte, nè diversità!

Ùn ci saria bisognu à dì chì l’isule di u Mediterraneu è l’altre ùn sò lochi chjosi nant’à sè stessi. Ma sarà megliu à fà la vede, è à fà la sente, cù issi linguaghji di a creazione chì permettenu di barattà per via di a spressione di l’arte vive. Issu avvenimentu custindi, accade spessu chì à l’occasione di una festa, di un scontru literariu è artisticu u locu chì l’accoglie turnessi crucivia di spressione isulane o altre. Cusì, sò unepochi d’incontri puetichi cunnisciuti in Maiorca è l’altri rughjoni isulani. Andemu à vede ne unu?