Pè andà subitu à cunsultà i ducumenti, cliccate nantu à e parolle scritte in rossu o i legami

Salute,

Sta volta,

IMPARÀ U CORSU... cù INTERROMANIA!
Depuis la dernière mise à jour du 15 janvier, 80 nouveaux usagers se sont inscrits pour vérifier leur apprentissage du corse grâce au système d’évaluation des compétences individuelles.
La méthode est d’ores et déjà disponible en version « supranaccia » sur INTERROMANIA, en accès libre et gratuit. Nous espérons mettre en ligne la version « suttanaccia» dès que seront réalisés les enregistrements et l’architecture informatique pour la mise en ligne.

IMPARANU U CORSU... cù IMPARÀ U CORSU
Rebecca è Jaanika, duie studiante internaziunale, si facenu una chjachjarata in corsu : fussi ella puru ch’è no parlessimu digià e so lingue cum’elle parlanu a nostra dopu qualchì seanza!

HOMERE ET STRABON
Di Strabone è a so vita, si ne sà pocu è micca. L’impurtante sarà stata una Storia in quarantatrè vulumi duv’ellu vulia cuntinuà a storia di Polibe. Dopu hà messu à fà una Geugrafia in 17 vulumi è a pensava appaghjata cù a so Storia. D’isse duie opere ùn hè firmatu nunda di a parte storica è di a geugrafica manca solu qualchì pezzu di u libru VII. Ghjudicava Strabone chì a Grecia era diventata pudente è ricca per via di a so situazione marittima è era quasi à dì chì trà civilizazione avanzata è lucalizazione cù u mare ci era una leia logica, ma a geugrafia ùn bastava à francà u passu è ci mettia dinù a primura di l’arte, a pulitica è l’abitudine di u campà inseme in a cità.
Matteiu GRAZIANI ci ne parla apparagunendu a so opera è quella di Omeru.

MARIANO CORDA : ATTELLU DI A MASCARA.
Hè un pezzu ch’è no cunniscimu è travagliemu cun Mariano CORDA di Cagliari in Sardegna. E prime realizazione fatte inseme sò state ind’è l’anni 1990 è dapoi a cuuperazione ùn hè mai piantata sia in u campu di i Prugrami INTERREG sia in u prugrama abituali di i nostri scontri. Si truverà in a rubrica Teatru e realizazione pè a scena è in particulare u primu spettaculu: “U Medicu stranieru”, è po “I Ritorni di Pasquale Paoli”, è e duie creazione di i prugrami “Ex-voto” è “Mores”. Hè un artista pulivalente è cumplettu l’attore Mariano CORDA, regista è artisgianu di prima trinca. Ci hà animatu dinù parechji attelli di creazione per fabricà mascare, sculture è altre custruzzione artistiche.