Sopra à Bastia è u golfu di San Fiurenzu hè piatta una petra strana assai...

A Serra di Pignu, sopra à Bastia, offre una vista eccezziunale nantu à i dui lati di a Corsica. Da issu locu ci sò dinù parechji punti da duv’ellu si parte per passighjate spurtive o da scialà si la custindi nantu à a serra, cum’è questa quì. Si parte da U Pignu da ghjunghje sinu à e nivere di Cardu, ma ci vole à cuntinuà à manca da circà una curiusità naturale : A Petra Ellerata, a petra di a lellera. Si merita chì ci vole à piglià un picculu crucivia à manca è si scopre solu quandu si hè quasi ghjustu sottu.

Ne vale a pena di fà l’avvinta in issu locu : una spezia di lellera fine di scuchju si sviluppa nantu à parechji metri d’altu è in largura. È pare propiu ch’ella avessi sculinatu u so sustegnu più bonu nantu à issa tighjata. Sò stupendi u spettaculu è a musica d’isse frunducce chì rimenanu nantu à issu puntellu custindi. In issu locu ci hè dinù una curona di stazzi è casarelli.