SPASSIGHJATA IN RUMENIA :
Spassighjata literarie è pedagogiche
![](https://interromania.com/sites/default/files/styles/image_400xx/public/1-_depart_bucolique_pour_gravir_le_plus_haut_sommet_de_roumanie.jpg?itok=3HoUMVXn)
![](https://interromania.com/sites/default/files/styles/image_400xx/public/2-_le_lac_lezerul_trianghular_pendant_la_montee_au_sommet.jpg?itok=SwNtpw3L)
![](https://interromania.com/sites/default/files/styles/image_400xx/public/3-_il_faut_maintenant_cheminer_en_crete_pour_atteindre_le_sommet.jpeg?itok=f8bE2FB0)
![](https://interromania.com/sites/default/files/styles/image_400xx/public/4-_sommet_ou_les_roumains_accrochent_leur_drapeau_du_pays_surlequel_ils_inscrivent_une_date_et_un_mot.jpg?itok=8arhEq4R)
![](https://interromania.com/sites/default/files/styles/image_400xx/public/5-_retour_en_passant_dabord_par_la_crete.jpg?itok=UvEv80qS)
![](https://interromania.com/sites/default/files/styles/image_400xx/public/6-_premier_lac_rencontre.jpeg?itok=Wsfry3y1)
![](https://interromania.com/sites/default/files/styles/image_400xx/public/7-_agremente_de_nuages.jpg?itok=6g2vS3oT)
![](https://interromania.com/sites/default/files/styles/image_400xx/public/8-_une_riviere_ornee_par_des_rhododendrons.jpg?itok=mSxXu5_A)
Moldoveanu
Moldoveanu 1: Vi ramintate quand’emu fattu quellaa scappatella in e muntagne slovache ? È bè, oghje ci ne andemu un pocu di più à l’oriente è cambiemu di paese, da scopre a Rumenia, è prufittà ne per attippà ci in cima à a so muntagna più alta. Quessa hè u Moldoveanu, litteralamente « U Moldavu », chì culmina à 2544 metri. Hè bucolica a partenza d’issa spassighjata è principia in circulu verde verde, vicinu à una capanna chì pò ghjuvà per aggruttà si ci.
Moldoveanu 2: Ma prestu prestu u chjassu atteppa propiu, di prima in furesta duv’è no scuntremu un pastore chì si ne fala da quassù cù i so sumeri, da rifà e so pruviste quaiò in piaghja. Dopu si face più scarsa a vegetazione. Ancu di grazia ci hè una bella spiscia chì ci porghje un’arretta cuntemplativa, da ripiglià fiatu una cria .
Moldoveanu 3: Più insù, una prima piana ci ramenta i pozzi corsi, alimentati da un fiumicellu cantarinu. Dopu, u chjassu atteppa torna è passa à u pede d’un lavu , u Lezerul trianghuilar è po’ dopu colla dinù sin’à una prima foce chì porghje una vista chì ciotta à l’inghjò nant’à un’altra vanga. Ci hà da vulè à fà torna unepochi sforzi da camminà quassù in cresta prima di ghjunghje in cima in cima. A tradizione vole ch’una volta ghjunti à issu puntu custì, i rumeni azzinchessinu una bandera di u so paese ch’elli anu avutu cura di cullà si cun sè è ci marcanu nantu a data di a cullata è po’ duie parolle. U ritornu si face cuntinuendu à viaghjà nant’à a cresta, ciò chì permette di scopre un’infilarata di parechji lavi bellucci cù i so culori sfarenti. Bellissima surpresa quella spassighjata nant’à u tettu di a Rumenia.