Duv’ella principia quessa a spassighjata, si vede nant’à un pannellu giallu ch’insegna « Monte Stellu ». U chjassu chì parte cullendu à manca à l’iniziu hè incatramatu ma ùn stà tantu à turnà chjassu schjettu, largu à pocu pressu dui metri è chì ghjunghje sinu à un stazzu falatu in pianu. U marcu giallu face ch’ell’ùn si pò mancà u chjassu, puru quand’omu casca nantu à incroci. Quand’ellu colla u sole in celu, l’avemu in capu senza pudè lu schisà sinu à in cima. – ùn ci ne hè locu à l’ombrà da pudè si piantà à pena. U chjassu colla à zigli zaglia. Hè largu è a vista hè bellissima da custindi. Dopu, à circa trè quarti d’ora, si pò vede à sudeste u Portu Novu di Bastia. Alè! Torna un quartu d’ora di sforzi è si vedenu l’altri golfi à nordu di Capicorsu. Ci vole à fà casu longu à u chjassu chì a natura hà fattu lastre in modu uriginale.