Hè sgrignata a to porta
è a zucca imbarbotta
parolle cusì lisce
in i piechi di l’ombra
u surrisu hè bagnatu
è l’ora ferma appesa
dui grombuli di acqua
a sciappittana pesa
u mandile di e mani
asciuva tutte e paure
è sgrigni u surrisu
chì mi accorta u fiatu
in dispensa
ci sò
tutte le nostre storie
cullane di pumate
rosse sarà peccatu
in l’ombra cusì dolce
aspetta torna à pena
a mergana si sbacca
scrizzu di mille perle
raconti urientali
fora di a dispensa.