Ragiunata
A dumenica in paese

Antone : - O Lucì, chì ora hè ?
Lucia : - Dece ore è ùn si sente nunda !
Ghjuvan Paulu : - A dumenica in paese, a pace, u riposu...
Ziu Simone : - A dumenica u paese ùn hè più cum'è l'altri ghjorni. Scalanu i citadini...
Vincenzu Mariotti : - Mì li ! mì li, quale sò tutti issi giuvanotti ?
Antone : - Salute, o zì. Questu quì hè Ghjuvan Paulu. Finisce i so studii di medicina, cum'è mè.
Ziu Simone : - Cumu hè ? Vi cappianu i maladi, oghje ?
Antone : - A dumenica sì. Sò in salute chì ci hè u sole. È qui, tutti bè ?
Vincenzu Mariotti : - Pene à i denti...
Ziu Simone : - Pene in corpu...
Vincenzu Mariotti : - Pene in capu, ma oh ! ùn ci lagnemu !
Ghjuvan Paulu : - Iè, pene è dulori di tutte e parte, ma ùn si lagnanu !
Antone : - Videte, o zitè, u paese sanu soffre, ma cù a risa in bocca. L'anni li mettenu a pena à dossu, ma i facenu savii è filosofi. O zi, vi presentu i mo culleghi è amichi. Saranu tutti duttori !
Ziu Simone : - Tutti ! Ùn ci hè male !
Lucia : - Bonghjornu, o zì. Eiu sò Chjara Marietti.
Vincenzu Mariotti : - Bonghjornu, o madamicella. Marietti, Mariotti, simu quasi parenti !
Ghjuvan Paulu : - Salute ! Eiu mi chjamu Ghjuvan Paulu.
Ziu Simone : - O giuvanotti, mi face piacè, ma in paese ùn ci hè nunda da fà.
Ghjuvan Paulu : - Nunda ?! Fiume, pesca è truite nantu à a teghja ! Mi ne vene l'acqua in bocca
Antone : - Nunda ? ! Machja, monti, è cignali in ogni scornu !
Lucia : - Sò cusì, elli. Ùn pensanu chè à manghjà !
Ziu Simone : - O zitè, in campagna, ondeci ore di mane sò quasi a notte. Pè a caccia hè troppu tardi !
Vincenzu Mariotti
: - Pè a pesca dinò, " à chì dorme ùn piglia pesci "
Lucia : - Chì fà ? Una bella passighjata...