O lu trenu di Bastia
Hè fattu per li Signori
Pienghjenu li carritteri
Suspiranu li pastori
Per noi altri osteriaghji
Son affanni è crepacon.

Anghjulì, lu mio Anghjulinu
Pensatu n'aghju una cosa
Quand'ellu passa lu trenu
Tirali di mitraghosa
È li sceffi chi sò dentru
Voltati à l'arritrosa !

Ci vogliu piazzà un forte
In paese di Cervioni
È nantu ci voghu mette
Più di trecentu cannoni
Quand'ellu passa lu trenu
Spianalli li so vagoni.

Di lu caminu di ferru
Si ne falinu li ponti Tandu
li prupietarii Purranu
fà h so Conti Chi
per dà la signatura
Ell'eranu tutti pronti.

Ch'ellu piovì mesi interi
È po empiene una pozza
Ch'ellu s'arreghji lu trenu
A l'entre di Casamozza
Micca per li passageri
Ma per quellu chì li porta.

A chi hà inventatu lu trenu
Hè stata una brutta ghigna
Li ghjunghji lu filosserà (ne)
Cum'ellu hè ghjuntu à la vigna
Li caschinu li capelli
Incu la più forte tigna.

Anghjull, lu mio Anghjulinu
Datti un poco di rimenu
Vai è feghja issu catinu
S'ellu hè viotu o s'ellu hè pienu
Ch'avemu da presentallu
À lu sceffu di lu trenu.
Un si vende più furagi
Pocu pane è micca vmu
Passanu le settimane
Senza vende un bichjerinu
Chi ci avemu più da fà (ne)
In piaghja lu mio Anghjulinu.

Anghjuli, lu mio Anghjulinu
Preparemu la mubiglia
Quandu fala la vittura
Imbarca la nostra famiglia
Soldi di meiu lu trenu
In fin ch'o campu, ùn ne piglia.

Maria Felice Marchetti (1880)