Un’altra spassighjata...7
Dopu à una nuttata passata à u celente quassù nantu à a cima , eccu u lindumane matina u pisà di sole ch’affacca daretu à i monti di a serra centrale.
Dopu à una nuttata passata à u celente quassù nantu à a cima , eccu u lindumane matina u pisà di sole ch’affacca daretu à i monti di a serra centrale.
- Vi arricurdate ? O ghjente simu fin’di settembre è si ciotta u sole….
Hè una stonda …. d’incanti ! Ùnsi tratta di fà altra cosa chè fighjà in tutte e direzzione chì facenu à chì sarà più bella, maestosa o tennera è suttile. U sole tramonta è si chjina nantu à l’acqua, u Seninu dissegna a so ombra da a banda di a muntagna è luntana quallandi si offre a forma di a Paglia Orba.
Cappiemu puru tuttu in pianu. Pè oghje basterà. Hè a fine di a ghjurnata, ma hè un mumentu da gode si à fondu. Simu in punta in punta à u Seninu. Un belvedere postu à 600 m è più sopra u marinu. Quallà nantu à a diritta, in fondu, u vidite u Capu Rossu ? Hè quellu di u primu ritrattu.
Dopu nantu à stu terzu ducumentu, avemu longu à a passighjata chì porta à u Seninu: luntanu quallà ci hè Portu nantu à u latu mancu di a vista,è sopra e cime di Capu d’Ortu è Capu à u Vitullu. Vi dicenu qualcosa issi nomi? À mè quandu ci pensu, mi ribombanu in capu è mi facenu sunnià.... Quasi quasi mi scriveria un puema, mi scriveria...
Alè, capiscu ch’è vo siate ammirativi ma ùn state cusì à bocca aperta è passate à u secondu ritrattu ! Dunque avemu u golfu di Portu, a riserva di Scandula à manca è u Monte Seninu à u centru.
U fighjate u primu? Hè ciò ch’ellu si scopre da in cima à a torra genuvese di Turghju, alzata nantu à u Capu Rossu (à 300 metri –o pocu ci manca- sopra à u mare) è ci si ghjunghje dopu marchjatu una cria à l’ueste di Piana.
FESTA DI A LINGUA:
E fisce PDF, e pudete fighjà quì sottu. Cù a figuretta quassù in cima di u ducumentu à dritta, puderete apre issu PDF in un’altra pagina. Cusì si pò vede nantu à u scraniu sanu.
In fondu di a pagina, una leia vi permette di telecaricà isse fisce PDF.