E sa nae
Immaginazione
Ma Fellini
Sa camera est boida
S'ojada tua s'est fatta languida
Ma Gelsomina cantat
Ballerina 'e sa carrela
Tue brinchittas a su filu 'e sas
immagines
Chi sa pellicula illorumat

E sa nae
Dulche vida
Binu aghedu
Unu brindisi rànzigu
Nos immerghet in sa Roma eterna
Cinecittà Fellini
S'est foscigadu a sa morte
Diventat mùrinu su catramu
In su mare de Rimini

Ma sa nae
De una vida
Infinida
Fantasimas azzardadas
Appiccadas a s'unchinu
De sa memoria rànziga
Sa nae hat a torrare
Su film hat a torrare
Subra de s'isponda latina

Andat sa nae
De Fellini
Immaginazione
Pellicula incantada
Ispinta finzas a s'oru
De un'arte iscuisita
Sa nae non si frìmmat
Su film hat a torrare
E Gelsomina ballat
E sa carrela caminat
Subra de sa nae latina
chi àndat àndat