Ah, addisperu. Chì lentaghjine, cù chì
calma
inchjodi e to unghje di purzellana
indrentu à l’anima.
U to biancore di lepera
si apre un chjassu in i mo nervi.
Da chì abissu di mè stessu
issa salimoghja di orrore chì stinza,
issa sensazione di gustu chì face schjavu, santità
di l’angoscia ?
Rallegrà mi quallà,
aspettà e ferite d’issa
palpitazione, interrugà le
cum’è l’antichi e viscere di e bestie.
A lucidezza alluminata da issu spasimu
hè a radica di a vita.
Qualcosa chì mi inchjoda à a terra,
Indestruttibile, siguru. A guardia
di u mondu. Inviulabile.
In u fondu
D’issu orrore, sò ch’ellu ci hè qualcosa
Duve arrampicà mi. Issa imbriacata
Inumana
Mi face liberu.
È mi tengu caru,
Tengu issa strughjitura radiosa
chì al dilà, à l’ultimu, più nunda ci vecu.