Golu mi colat in bula
O riu de tantos annos
Ispinas de una corona
Chi lampas dae su ponte

Fint animas feroces
Pagu importat s'armada
Ama manna o minore
Ostinadas a lottare

Fint animas mias
Pagu importat su sàmbene
S'istirpe o sa limba
Ostinadas a resistere

Fint animas lèbias
Subra s'isciuma 'e s'unda
Sa vetta de s'istoria
Diat cherrere annegare

Su ponte est ruinadu
Na restat vena bia
Pius a incuddae 'e su tempus
Murmuràda in sa mente

Golu mi colat in pettu
O torrente de bramas
Fiores de una collana
Chi appiccas a su ponte