Un scrittu di Elodie Facchin

Simu u 3 di ferraghju,in a cità d'Aiacciu. Un mortu hè statu scupartu vicinu à u Vazziu,in a machja,versu 8 ore di sera. Francescu,un inspettore di 40 anni, hè ind'è ellu in traccia di manghjà cù a so moglia,quandu subitu,u so telefuninu hà sunatu. Un pulizzeru l'hà chjamatu per dì li sta nuvella. Francescu parte in furia per vede stu morte è vole sapè ciò chì s'hè passatu. Hè ghjuntu culà è hà vistu chì u cadaveru era quellu di u figliolu d'un amicu. Stumacatu,hà chjamatu iss'amicu in catastrofa dicendu li ch'ellu hà da truvà quale hè chì hà pussutu fà qualcosa cusì. Francescu ripiglia u so spiritu è parte in cità per interrugà l'amichi di a vittima. Sicuru,l'amichi eranu suspresi è i pienti ùn ni finiscianu più, sopra tuttu una zitella chì hà dettu ch'ella era innamurata cù ellu. Ma ghjuntu à unu di iss'amichi,Francescu hà rimarcatu un'attitudine à bastanza strana ind'è stu zitellu.
Avia nisuna spressione nant'à u visu,è,senza pienti,hà rispostu à e quistionne senza un grande interessu è senza esse assai sicuru. Forse era parchì u ghjovannu ùn avia micca realizatu ciò chì s'hè passatu,ma Francescu ùn lasciava micca corre sta pista.

Stu stranu zitellu si chjama Marcu,campa solu parchì i so parenti anu avutu un accidentu di vittura 3 anni fà è cum'è u zitellu hà 20 anni hà dicisu di campà da par ellu in un picculu studio à l'intrata di a cità versu u carrughju d'Asprettu. Francescu hà aspettatu u lindumani per riturnà ind'è ellu,parchì trà tempu,l'autopsia hè stata fatta. Si tratta propiu d'una agressione.
Francescu ritorna dunque ind'è Marcu per avè una cunversazione capu à capu. Parlanu sin'à 10 ore di a matina per in chjusura,scopre chè Marcu era cù una donna a sera di a scuparta di u cadaveru. Ma micca nimporta quale,era a mamma di u mortu,ciò chì spiega bè a so strana attitudine. " Ti lasciu u me numaru si tù voli parlà" hà dettu à u ghjovanu. Francescu ùn sapia più chì fà parchì in più di a morte di u zitellu di u so amicu,hà da dì li chì a so moglia era cù un altru omu è in più un amicu di u so figliolu! Ma prima,ci vulia à scopre quale chì hà tumbatu u zitellu,u più prestu pussibule.
Face i passa è veni,è subitu li vene una idea. Chjama a mamma di u figliolu mortu per scuntrà la,senza dì la ch'ellu sapia a so storia cù Marcu. Ella,ben intensu si rende à u scontru. Francescu facia u visu di dolu davanti a donna è pianu pianu entre in l'interrugazione. Subitu a quistione "induva eri eri sera?" A donna diventava bianca,ma hà quantunque rispostu in a manera a più seria pussibule. "Eru ind'è a me surella,era malata" hà dettu. Francescu ùn riagisce tantu per avè u più d'infurmazione ch'ellu pudia. Dicia "D’accordu,si capisce. Ma versu chì ora sè andata ind'è ella?". A donna riflettia qualchì seconda,circhendu in a so memoria o piuttostu in a so imaginazione. "Um .. Era versu 7 ore mi pare.. Iè 7 ore di sera. Possu avè un bichjeru d'acqua per piacè ?". " Iè sicuru,aspetta." Francescu li porta u bichjeru è dopu mette fine à u scontru. A donna hè una bugiarda,ma à tempu hè vergugnosa par via di a situazione assai terribule. Dunque Francescu ùn l'hà interrugata di più parchì ancu si a donna hà fattu un sbagliu cusì,u so figliolu hè mortu,ci vole a rispettà la.
Trè ghjorni sò passati,è tutte e persone chì Francescu avia suspettatu avianu una scusa verificata : ùn era micca a surella "Eiu,eru in Bastia per l'anniversariu d'un amicu ..",nè u so "nimicu" à a facultà "Sò statu malatu tutta a ghjurnata è a notte dinù ! Dumandate à a me mamma !",nè u tintu babbu chì era solu ind'è ellu. Ma u 7 di ferraghju,Francescu riceve un missaghju di Marcu dicendu : "Ùn ne possu più,per piacè pudete vene ind'è mè? V'aspettu." Parte in furia,inchjetu di issa nuvella. Ghjuntu ind'è ellu,u trova in pienti è mughjendu cum'è un scemu. " Marcu calmà ti ! Posa è spiega mi ciò chì si passa !". U ghjovanu tremulante dice : "Ghjè ella chì l'hà tumbatu .." Francescu annarbatu "Ella? Ma quale? Avà parli !" "A so mamma ! Per piacè fate qualcosa mi face minaccia per ch'eiu ùn parli micca ! Mi lascia missaghji nant'à u me telefuninu !". Francescu era abbacciacatu : "o Diu ciò chì tù mi dice ! ùn t'inchietà,veni cù mè subitu!". I dui omi è i pulizzeri andavanu ind'è a donna. Ghjera propiu ella l’assassina. Avia tumbatu u so figliolu parchì ellu avia scupartu a so storia cù Marcu è a vulia palisà à u so babbu. A donna hè divintata scema è ùn sapendu più chì fà,l'hà tumbatu ..