Versione :

DA CORSICA: Sirinatu à i sposi

Sirinatu à i sposi

(Paroles : Maistrale - Musique : Traditionnel*)

Audio
Chant : R. Chiorboli
Accompagnement : F. Andreani

S’è vo durmite indù le piume
Svigliate vi un pucarellu
Cantà vogliu un sirinatu
Sottu à lu vostru purtellu
Un sirinatu pumposu
Degnu di lu vostru anellu.

Canta st' anellu in la machja
Cù l' albitru muntagnolu
Hè spuntata la viola
Hè natu lu pampasgiolu,
Caccia pampana la vigna
È canta lu rusignolu

O sgiò sposu, avete fattu
Un nidu di rundinelle
In amore avete coltu
U fiore di le zitelle
Sempre felice sarete
Sott'à le più belle stelle

Abbraccè ne passerete
Cù li vostri suminati
À mezu à tutte le rose
Sempre cum'è innamurati
È cuglierete li frutti
Di li pìu fiuriti prati.