Filmata à u CCU, prisintazione di i participanti :
Dr Jean-Bernard Adrey, Director of international Experience and Mobility , Coventry
Dr Elwyn Lloyd Senior Lecturer, CELTA main course tutor, DEPARTMENT of English and Languages, Coventry
Pascale Trarieux-Sageaud, prufessore d’inglese, ESPE, UDCPP
Dr Dominique Foata, prufessore di corsu, ESPE, UDCPP
Pr Alain Di Meglio, Rispunsevule pedagogicu di i MEEF PE, ESPE UDCPP
Dr Sebastien Quenot, rispunsevule LCC, CTT di Corsica
Pr Rolf Kailuweit, prufessore di sociulinguistica di l’Università di Freiburg
Cun a participazione di u Pr Ghjacumu Thiers
È l’assestu tecnicu di Niculaiu Fresi, regissore

Prugettu : ESPE UCPP / Coventry , in linea

Da frastaglià i mumenti di a prisintazione di u prugettu imprestaremu à Canta u Populu Corsu u titulu di una di e so racolte Eri oghje è dumane .

ERI

U prugettu di scambii in linea, iniziatu d’ottobre scorsu à l’iniziativa di Pascale Trarieux-Sageaud trà i Master 2 secondu gradu Inglese , i M1 è M2 di u MEEF prufessore di e scole bislingue s’hè fattu cun un accunsentu trà l’ASPE è l’Università di Coventry cù u Dr LLoid ELwyn d’origine gallese rispunsevule di u dipartimente d’inglese è cun l’aiutu di u Dr Jean-Bernard Adrey, Direttore di i scambii internaziunali è di a mubilità di i studienti. U prufessore d’inglese (Pascale Trarieux-Sageaud) è quellu di corsu (Dominique Foata) anu pruvatu in li so corsi di fà interasgisce à nantu à a reta Moodle di l’università di Coventry studienti è prufessori. I scambii per via di une poche di macagne tecniche, di sparti tempu, di materiale ùn anu pussutu sbuccà à nantu à una pruduzzione zeppa ma ognunu s’hè prisintatu , avemu mutualizatu puntelli è dimarchje è ci hà datu a vulintà di ripiglià à nantu à una sesta nova.

OGHJE

Vulemu ammentà a cunvenzione ERASMUS trà l’UDCPP è l’Università di Coventry firmata d’aprile è a ghjunta in Corsica di i nostri culleghi di Coventry, accumpagnati dinù da Amal Lloid pruferrore d’arabu, di ghjunghju, da apre altri spazii. Avemu pianificatu une poche di scontri da armunizà i scopi d’ognunu è ci pare d’altronde di primura di studià a piazza di u corsu in dimarchje plurilingue (inglese, corsu, spagnolu, arabu, francese…) in linea è di purtà i nostri studiente in sti solchi numerichi assucendu dinù altri culleghi, altre lingue è discipline in una dimarchja plurale. 

DUMANE

E pruspettive s’aprenu à nantu à a seguita di u prughjettu in andu cun i prufessori di spagnolu , d’inglese, di corsu, i PMFM di l’Alta Scola di u Prufessuratu è di l’Educazione è altri culleghi . Si faranu apparinere cun insignanti è studienti d’ogni università per un travagliu in paghju in giru à filmate di sequenze d’amparera in lingue da cuntrastà da ogni banda è da apparagunà. Emu avutu dinù u piacè di vede à u CCU un astulu in giru à a mudelisazione di a pulinumia à nantu à a reta è u Prufessore Ghjacumu Thiers ci hà prupostu in intervista filmata chì hà apertu ella tessa un spaziu d’uralità plurale forse da amplificà. U Dr Jean Bernard Adrey hà pussutu cusì ripiglià u filu di e so ricerche in suciulinguistica principiate quindeci anni fà in Corsica è à nantu à u corsu. U so libru escitu in 2009 ne spechja i varii aspetti. Ci sò dinù prugetti di mubilità trà insignanti è studienti d’altri campi disciplinari è forse altri da vene. Ci tocca avà à piglià l’andati di u web2.0. U scontru s’hè sbucinatu sottu à u segnu di l’amicizia è di u piacè di sparte. Ringraziemu à tutti.