Una fola di Pasqua :

Pasqualettu, u lapinu di Pasqua

Ci era una volta in un paisucciu caru di Corsica, un lapinu di Pasqua assai speziale chjamatu Pasqualettu. Contrariamente à l’altri cunigliuli, Pasqualettu ùn piattava micca ove in cicculata ma ove magichi chì pudianu esaudì l’auguri.

Ogni annu, vicinu à Pasqua, i zitelli di u paese partianu à buscà l’ove di Pasqualettu, sperendu di truvà quellu chì rializarebbe u so votu u più caru. Quest’annu, una zitelletta chjamata Lesia avia un votu assai particulare : vulia chì u veranu arrichessi a pace è a gioia in u core di ognunu.

A matina di Pasqua, Lesia s’arrizzò di bon’ora è percorse e culline fiurite, scrutandu ogni cispugliu è ogni catagnu. In fine, sottu à una vechja leccia, scruprì un ovu chì brillava d’una dolce luce d’oru. U pigliò delicatamente in e so manucce è li murmurò u so votu.

À ‘ssu mumentu, un ventulellu s’arrizzò, purtandu cun ellu a magia di l’ovu à traversu u paese. E rise di i zitelli ricucconu, i fiori si spannonu cù fulgore è una sensazione di felicità abbucinò tutta a ghjente.

Pasqualettu, piattu daretu à a leccia surrise videndu u so ovu magicu arricà tanta gioia. Sapia chì Lesia avia trovu u più preziosu di l’ove di Pasqua, quellu chì arricava a sperenza è l’amore.

È ghjè cusì chì ogni Pasqua, i zitelli cercanu l’ove di Pasqualettu, micca per a so cicculata, ma per a magia ch’elli ponu arricà.