CANTU CORSU: UNA MOSTRA, UN STUDIU

Scontri di 30.08.2013

In u quatru di a SIMANA DI A LINGUA 2013 Patrizia GATTACECA hà presentatu l’inseme di a ducumentazione chì li hè ghjuvatu à purtà u so studiu.
Hè u risultatu di un materiale accoltu in tante fonte: stampa, discugrafia, bibbiuteche, mediateche, fondi publichi d’archiviu o privati.
Hè u risultatu dinù di tanti scontri cun ghjente cumpetente . Trà quessi, li hà portu assai un giovanu appassiunatu pè u cantu, a musica è a cultura corsa in generale. Ghjuvan Antone ORTICONI, u più di a robba esposta è spiicata durante sta mostra in u Spaziu Natale Luciani, l’hà accoltu è assestatu ellu. G.A.Orticoni hè un balaninu di Palmentu; hà 27 anni è da giovanu giovanu si appassiunaghja pè u cantu, ch’ellu sia tradiziunale o cuntempuraneu. A paghjella l’hà praticata da zitellu, in famiglia o cun l’amichi, participendu dinù à i cuncorsi di cantu tradiziunale. Canta, sona è cumpone pè u so gruppu Meridianu chì si pruduce in Corsica è fora. Ghjuvan Antone pussede una cullezzione di dischi impurtantissima chì copre u periodu longu da l’anni 50 à oghje.