Un’altra spassighjata...12
Issu paese hè Ghjirulata daretu a punta di rocca nantu à u ritrattu, a via « chjassu di u pidone “ chì si pò induvinà davanti à noi
Un’altra spassighjata...11
Scandula, eccu la di pettu à noi !. Ùn ci sbagliemu: scandalu mancu à pena! Scandula... Scandula!
Un’altra spassighjata...10
Avà s’omu si gira è fighjà in daretu nantu à Monte Seninu, eccu u Capu Rossu luntanu à manca, da l’altra parte di u mare.
Un’altra spassighjata...9
Merà chì rossu spampillente in a rocca, Punta Castellaciu in u chjassu à vultà, è luntanu quallà, Paglia Orba è Cintu.
Un’altra spassighjata..8
- Sta volta l’ombra di a cima posa nantu à u mare, cun luntanu luntanu a riserva di Scandula.
Un’altra spassighjata...7
Dopu à una nuttata passata à u celente quassù nantu à a cima , eccu u lindumane matina u pisà di sole ch’affacca daretu à i monti di a serra centrale.
Un’altra spassighjata...6
- Vi arricurdate ? O ghjente simu fin’di settembre è si ciotta u sole….
Un’altra spassighjata...5
Hè una stonda …. d’incanti ! Ùnsi tratta di fà altra cosa chè fighjà in tutte e direzzione chì facenu à chì sarà più bella, maestosa o tennera è suttile. U sole tramonta è si chjina nantu à l’acqua, u Seninu dissegna a so ombra da a banda di a muntagna è luntana quallandi si offre a forma di a Paglia Orba.
Un’altra spassighjata...4
Cappiemu puru tuttu in pianu. Pè oghje basterà. Hè a fine di a ghjurnata, ma hè un mumentu da gode si à fondu. Simu in punta in punta à u Seninu. Un belvedere postu à 600 m è più sopra u marinu. Quallà nantu à a diritta, in fondu, u vidite u Capu Rossu ? Hè quellu di u primu ritrattu.
Un’altra spassighjata...3
Dopu nantu à stu terzu ducumentu, avemu longu à a passighjata chì porta à u Seninu: luntanu quallà ci hè Portu nantu à u latu mancu di a vista,è sopra e cime di Capu d’Ortu è Capu à u Vitullu. Vi dicenu qualcosa issi nomi? À mè quandu ci pensu, mi ribombanu in capu è mi facenu sunnià.... Quasi quasi mi scriveria un puema, mi scriveria...