Sorre

Comente a tie eo so de cussas
Chi andant a s'interinadorzu
Pro abbrazzare sos isteddos
Mancari a chelu vacuu;
In s'ora chi eo esso dae sa tuppa
Pro leare sas andalas
De disizos ribelles
E pro imprimere s'armonia
In s'anima unu pagu
De silenzios solennes
Umpare a sa notte ninnàda
Dae sos bentos serenos
Sorre mia amada.

Isse est istadu su nidu tou
Devastadu dae s'amore
E dae s'affettu fidele
In coro tou abbandonadu
Tue andas intro su sulcu
De sos istantes felices
Tue non cheres rivinzidas
Nè attitidos nè ticchirrios
E tue chircas a s'appalpidu
Sa fiamighedda animosa
De sa paghe incontrada
In sas laras de sa vida
Sorre mia amada.

Femina tue mi pares de sas pius
solas
Chi si dissìpat in su sambene sou
Cando sa carre suffrit
E sa pelea s'allorigat;
Cando sa pinna designada
Subra sa pagina 'e tempus benidore
De isperanzias umanas
De avrèschidas pintadas.
Sos lamentos rinaschidos .
Los destruimus tottu
Cun sa noa bentulada
Godimunos custos fruttos
Sorre mia amada.

 

Tue dae seculos ses erede
De una promissa esiliada;
Accurzu a chie creet
Sa ferida ti brujat;
Sa peraula isvenada
De s'adiosu turmentadu
Est lughe frundìda
E coma mi mùidat
S'ecu de su tou male
Imparende sa fola;
Pro essere abbandonada
De unu Re ses sa fiza
Sorre mia amada.

Mùstrami sa luna I
Inue tue ses cuada,
Sa Fortuna tesset sa tela
Pro chi tue dias poder essere isposa
S'àccia luminosa
Indorada su caminu;
Su sonniu ballerinu
Rinaschet a donzi morte!
Pro iscongiurare sa sorte
Proteggimu su futuru,
Pustis qui s'istoria est naschida
Eo no nde cherzo 'e cadenas
Sorre mia amada.

Comente sas isperanzias isoltas
In su sinu tou regoltas
Comente peraulas chi devent fiorire.
Ritornellu e ballada
S'innu de sa pena tua
Sorre mia amada.