Bonorida

La valada é smorjelada sö
de röses plënes de gotes
La nöt lascia trà
ìa y cà n tach d'ambria
sot ai lëgns da ciastëgnes indormedis
le cil é ciamò grisc
y la boscaia strömia
Mia sëmena toma y se tira inlunch
le rü che s'la batolëia
mostran vigni pedia
vigni profum da mituns
la bronsina pordüda
möi val gile
sot al felesc scechè
y se sofla tl müs
n'aria grossa de mervöies
Incö dadoman m'en vai iö
ad aspetè le sorëdl....