LITERATURA E SUCETA: Premii di l'Assemblea di Corsica 2003-2004
Attività altre
![I premiati 2004 I premiati 2004](https://interromania.com/sites/default/files/styles/image_400xx/public/premii_004.jpg?itok=oiHW40Rz)
I premiati 2004
![Maria FERRANTI Maria FERRANTI](https://interromania.com/sites/default/files/styles/image_400xx/public/premii_001.jpg?itok=0UJQGeWH)
Maria FERRANTI
![Ghjuvan' Luigi Moracchini Ghjuvan' Luigi Moracchini](https://interromania.com/sites/default/files/styles/image_400xx/public/premii_002.jpg?itok=g8u9Sfbm)
Ghjuvan' Luigi Moracchini
![I premiati 2004 I premiati 2004](https://interromania.com/sites/default/files/styles/image_400xx/public/premii_005.jpg?itok=aYGZAQJF)
I premiati 2004
L’Assemblea di Corsica hà urgnizatu a premiazione di l’annu 2003-2004.
Pè u PREMIU IN LINGUA FRANCESE sò state rimarcate è distinte Marie FERRANTI è Dumenica VERDONI
Pè u PREMIU IN LINGUA CORSA sò stati scelti Carlu CASTELLANI è Ghjuvan Luigi MORACCHINI
A ghjuria è u so presidente Marie-Jean VINCIGUERRA anu dinù attribuitu un accennu particulare pè i libretti di ARCUBALENU scritti da Arnestu PAPI è illustrati da Lucia THIERS.
À tuttii issi premiati ricevuti in pompisi à l’Assemblea u ghjovi 16 di u scorsu decembre, u CCU face tanti cumplimenti. Ci rallegremu di l’onore chì ci vene ancu à pena à noi per via chì duie trà l’opere premiate l’emu publicate in cullaburazione cù l’edizione Albiana.
Si infatta chì trà www.mazzeri.com di G.L.Moracchini è La Chasse de nuit di M.Ferranti ci hè parentia tematica stretta postu chì unu è l’altru libru, benchè di fizzione è micca di etnugrafia, ciottanu in u fondu di e cridenze magicureligiose è in particulare di u mazzerisimu.
Di issu tema custì di u so valore è di a so autenticità etnologica si ne hè trattatu assai durante u scontru chì u CCU, a FLLASH (facultà di e lettere) è u CROUS anu urganizatu à a caffetteria di l’Università u ghjov 9 di decembrei Si hè rimarcatu chì a figura di u mazzeru (« cacciatore di l’anime ») hè sfruttata assai da l’anni 1970 invece chì prima saria più chè scarsu l’affaccà di issu mutivu sia in a literatura sia in e riferenze di l’etnugrafia. Si ne riparlerà di sicuru chì frà pocu tempu, u CCU inviterà à G.L.Moracchini pè u so libru "www.mazzeri.com". À issa occasione si riparlerà di a cunferenza ch’ellu fece Moracchini in Lama è chì trattava di issu tema in i so particulari.