U mesi di ghjugnu 2005 a noscia puisia era a prima volta ch’idda si facia un’affaccata à u Marché de la poésie, nantu à a piazza Saint-Sulpice di Parighji, a manifistazioni di puisia più maiò di Auropa (600 editori francesi è francofuni, 30000 visitanti, parechji litturi publichi) è masimu l’uccasioni par i pueta di scuntrà si. Quist’annu a puisia corsa era à l’onori dinù idda cun litturi è prisintazioni nant’à a scena di u Marché è da l’animazioni di Nunzia Paolacci di Radio Paese, a radio di a diaspora corsa in Parighji. Pà leghja i testi urighjinali, ci vurrà à leghja a parti sciuta in A Filetta-La Fougère, a prima antulugia bislingua corsu-francesu di puisia ughjinca (PHI, Lussimburgu, 2005), anch’idda prisintata à u stessu Marché è dundi ci sò monda pueti di dui levi di pueta, quidda di i so paghjesi: Ghjacumu Biancarelli, Rinatu Coti, Ghjacumu Fusina, Dumenicantone Geronimi è Lucia Santucci ad a leva chì seguita Marcu Biancarelli, Francescu-Micheli Durazzo, Patrizia Gattaceca, Alanu di Meglio, Pasquale Ottavi è Ghjacumu Thiers.