Scuntrate
![](https://interromania.com/sites/default/files/styles/image_548xx/public/angelo_vargiu_cun_linseme_laborintus.jpg?itok=Ry8tFdtB)
Vargiu
Scuntrate à Angelo VARGIU, u clarinettistu chì hà purtatu u so talente artisticu à issa impresa teatrale
Des ex-voto sur les frontières
INTERREG III-A
Albiana /CCU Corti 2004
.. cù Angelo Vargiu, clarinettistu ind’è Su fizu 'e s'orcu
Ind’è st’intervista, Angelo Vargiu dice ch’ella hè stata faciule è asgiata issa sperienza di clarinettistu impegnatu in a pezza sarda, puru s’è l’urganizazione di u spettaculu ferma l’affare più chì custringhje ind’è quessa l’aventura.
U musicante dopu insiste quant’ellu hè particulare chì u generu di a marchja face da filu chì porta u spettaculu. Sò stati l’urarii è a dispunibilità di i musicanti à cumandà e scelte da fà, per via chì in Sardegna issu periudu casca quandu parechji musicanti sò impegnati ch’elli ghjuchessinu in i gruppi, e furmazione musicale o puru ind’è l’urchestri. Ci vulia non solu à truvà e persone comude, musicanti boni, ma ancu ghjente pronta à ghjucà puru s’è u regista dumanda di pusà, di coglie si nantu à un tavulinu o ancu di girà intondu à una sedia. Di sicuru sò cose quesse chì ùn currispondenu micca incù l’abitudine di un musicante, musicante classicu più avvezzu, secondu à Angelo Vargiu, à impalcà si nantu à a scena duv’ellu aspetterà, compiu u cuncertu, u solitu mazzulu di fiori.
In cunclusione, u musicante dice chì issa sperienza ùn li pò fà chè prò da tantu ch’ella hè varia ed urginale. Da piglià un esempiu, ammenta a scena duve a so clarinetta diventa un fucile.In quessu u spettaculu, u statutu di l’ogetti varieghja è move sempre: una sedia di nunda pò turnà palcu è u strumentu baiunetta, in e scene duv’ella s’impone a guerra. Hè propiu quessa a magia di l’illusione teatrale.