Di l’Agriate, u monte Ghjenuva ùn hè a cima più alta, ma ne sarà u pinzu più emblematicu. Quessu u rughjone hè situatu nant’à i contraforti di A Serra di Tenda, trà A Balagna è U Nebbiu. Dopu, à nordu a cunfine hè a facciata maritima, cun tante è più piaghje isulane trà e più prezzate.

Ghjunti à u locu dettu Tetula, lacà u chjassu di Saleccia è piglià quellu à manu diritta (cairn).

Dopu à 20 minuti, ci hè à manca un cairn tamantu chì insegna duv’ellu si deve torna lacà u chjassu. Cinquanta metri più inlà, nant’à u chjassu ci hè u solu pinu d’issi lochi. S’è vo ghjunghjite à issu pinu, vultate in daretu da duve venite. U chjassu si perde trà e piante di a machja ma unepochi cairns insegnanu a direzzione. Parechji tafoni vi accumpagnanu durante a vostra spassighjata. Quandu omu si trova à u pede di u monte Ghjenuva, i cairns piglianu à dritta è à manca.