Te me dijes...

Te me dijes che ne ses nia
cieche ie l amor. La pascion
che ruva su nchina ala funtanes
de ti vester, nchina al slië
dla cusciënza.
Che te ponsc y te zartiëia.
Te smiëla
y te arbandunea
y ti vester ie busiënt
nchin tl plu sot de te.
Y l iërm dl dubité
te fir ados
y chier segurteies
te uni ëuta dl’ ana...
Te nciurnësc sciche vin
y te patësces y te rijes,
y te ies amalà danter la muredes
de ti sentì. Nchina che l surëdl
ne iluminea ti cruzi
y te restes nscì, pasciù,
aspitan
ti melsté nuef che ie te te
y che ne te lascia mei.