FRANCESCO OTTAVIANI RENUCCI
Puesia
![](https://interromania.com/sites/default/files/styles/image_400xx/public/f.0.renucci.png?itok=pHX-Ez-2)
FRANCESCO OTTAVIANI RENUCCI.
Trà i leterati isulani di u seculu XIX, u più modernu di l'intelletuali hè Francesco Ottaviani Renucci.
Nasce in Peri di Tavagna in 1767. U babbu more, l'aleva u ziu. Malaticciosu pare ch'ellu si vogli fà prete à u picculu seminariu di A Porta d'Ampugnani. Ghjè in rilazione cun un camaratu Orazio Sebastiani è Francesco Ciavatti, professore gallicanu di teologia dogmatica. Hà scrittu "Des usurpations sacerdotales" o "Des dangers du célibat des prêtres". Prusegue à u seminariu di Bastia a so amparera è poi parte in Milanu in 1790 è in Pavia induv'ellu piglia a laurea in dirittu.
Ci trova altri corsi, l'orezzinchi Giovannetti è Sicurani.
Scagliatu à u sacerdoziu, Renucci frequenta altri intellettuali di l'illuminisimu milanese in i Caffè.Parlanu a lingua toscana sputica.
Face un pocu di pulitica.Era un republicanu francese è un prugressista.
Li si deve l'affaccata in Corsica di u genere literariu rimessu in usu da a mossa rumanticista.(Le romantisme est l'art de présenter aux peuples les œuvres littéraires qui, dans l'état actuel de leurs habitudes et de leurs croyances, sont susceptibles de leur donner le plus de plaisir possible.)
Professore è dopu rettore di u cullegiu di Bastia durante 20 anni, prova à mantene a parità trà a lingua materna, u talianu è a lingua naziunale u francese.
Hà fondatu a biblioteca di Bastia.
Scrive 17 "Novelle storiche corse "in 1827, reeditate in 1827 è in 1838 cū 6 nuvelle storiche in più è una traduzzione francese esciuta in u 1841.
À l'iniziu di e nuvelle, una regula di vita : cundanna di a vindetta è u banditisimu.
Hà avutu à supportà a ghjelusia d'un ispettore di a publica l'Istruzzione Publica. Riceve ancu i rimproveri accademichi per schiribizzi torbidi.
Hè publicata "A Storia di Corsica"in 1833 è 1834.
Hè u precursore di u racontu autobiograficu in e Memorie della vita di Francesco Ottaviano Renucci in 1839.
Salvatore Viale, raconta un fattu comicu. Un sbagliu d'un viaggiatore inglese chì scrive un libru è capisce chì Renucci hè gesuitu allora ch'ellu avia indicatu induv'ellu stava di casa. (casa di i gesuiti)
In u so rumanzu storico Paoli a Pontenova, Renucci scrive "prima gesuita poi galantuomo".
Corsu di ceppu, Talianu di furmazione, Francese di core, Renucci more in paese nativu in u 1842.
Cathy Campana