Brame nottambule

A bughjura ghjinirosa

Rigalendu l'evasione

Nū a notte silenziosa

Face spuntà l'illusione

Di manera deliziosa

Si sfoga l'aspirazione

U sognu apre le porte

Da francà quill'altru mondu

Nascenu fiure à cuorte

In u spirdu vagabondu

Tandu pò cambià la sorte

Da l'aridu à u fecondu

Spalancate le cunfine

A strada corre fiurita

Cū isse fughe clandestine

Ogni stonda hè saporita

È daretu à le tendine

Sbuccianu brame divine

U desideriu svulazza

Liberu cum'è l'acellu

I penseri li sfilazza

Caru geniu menestrellu

È d'un colpu d'ale spazza

Pà scamattà ci cun ellu.

Cathy Campana