"A GALLINA CUN L'OVU D'ORU"

"A GALLINA CUN L'OVU D'ORU"

 

C'era una volta un coppiu chì campava in un paisolu, a so sola richezza era una ghjallina chì ogni ghjornu facia un ovu.

 

U maritu avia bon'core, era bravu ma in quant'à a moglia, ùn era mai cuntenta. Un ghjornu issa donna parla à a ghjallina è li dà l'ordine di fà tant'ove, o a tomba. U lindumane l'ovu di a ghjallina … hè in oru !

 

L'omu si ne và tandu in una gioiaglieria per vende st'ovu. Cù i soldi, porta qualcosa à manghjà, un ripastu assai savuritu.

 

Da tandu a ghjallina face un ovu in oru ogni matina è a donna si mette à spende assai mentre chì u so maritu s'inchieta per l'avvene.Teme ch'ella si fermi a ghjallina di fà st'ovi in oru !

 

A donna prova à rassicurà lu dicendu li ch'ùn ci hè penseru, ch'ogni ghjornu a ghjallina ferà u so ovu d’oru, avà ch'ella l'hà adirizzata.

Eccu chì piove assai, ne fala, è a so casetta hè inundata, quasi ruvinata.

A donna decide allora di cumprà si una bella casa. Prupone di tumbà a ghjallina chì, per fà un tal'ovu ogni ghjornu, deve avè un stomacu è una panza d’oru. "Cun quessi, pudimu cumprà cinque o sei case ! "

 

U maritu, baullu, accetta ma d'oru ùn ne trovanu in l'animale! S'accorgenu cusì ch'elli anu persu u so solu mezu di sopravivenza.

 

Sta fola  ispirata da a famosa  "A Gallina cun l'ovu d'oru"di La Fontaine hà per primu babbu Esopu in "A Donna è a Gallina”. Vene à insignà chì "Si perde tuttu, quandu omu cerca per avidità à avè più di ciò ch'omu pussede.

 

 

Cathy Campana