Spassighjate: UN GIRU PÈ U RINOSU

Andendu à scopre u Rinosu

 

U Monte Rinosu si tene una manata di sicreti ch’ellu sà porghje, à unu à unu, à a ghjente chì li piace a natura è po i spazii larghi. Hè cusì chì si pò fà parechji itinerarii partendu da a stazione di schì di Ghisoni, cun l’arnesi nicessarii qualsiasi a surtita in muntagna è, di solitu, duie precauzione.

A prima maraviglia ch’omu inguanta dopu à qualchì sforzu hè u lavu Bastani, ciuttatu in a so vasca in petra, à u pede di u Monte Rinosu. Issa spianata liquida aggrancata da u ghjacciu una bella parte di l’annu, hè situata in altu à 2000 metri è più ed hè un vede sempre cambiarinu longu à l’ore di u ghjornu o secondu e stagione.

S’omu decide di cuntinuà ad attippà è fendu dui sforzi in più, si pò andà sinu à insù, in punta à u Monte Rinosu chì stà à 2352 metri. Hè un balcone presceltu da assiste à u ciuttà o u pisà di u sole nantu à a parte urientale è u mare. A croce di u puntale è a scultura chì rapresenta una testa di moru mettenu in più un aspettu sulennu nantu à issu situ. Durante l’estate ci si infatta spessu bande di pecure o di capre chì, quand’elle passenu, si sentenu tintinnà pianu pianu e campanelle. L’animali, accade ch’elli pachinu caru issu giru in muntagna di statina quand’ellu scoppia u tempurale. Hè chì leccanu quand’ella fala secca a saetta nantu à issa pianura petricosa, ma ci ne hè unu ch’elli campanu issi colpi: l’altore in cerca à a manghjusca!

Pè istrada si pò dinù ammirà u lavu Bastani da un’altra banda ; tandu à chì hè innamuratu o sunnieghja, li piace à dì chì custindi u lavu hà a forma di un core.

S’è u fiatu è e gambe a permettenu, si pò prulungà issa spassighjata stendu praticamente in punta in punta è tandu pedighjà sopra à trè puntali di 2000 metri è più. È passendu si averà gosu a bella vista di u lavu di Braca à paru à u sguardu : Si scontra di prima a Punta di Valle Longa (2281 metri) chì porghje dinù u so panorama bellucciu nantu à a serra centrale sana sana è dunque a cima più alta di a Corsica : u Monte Cintu.

U chjassu passa sopra à u lavu di Vitalaca è, s’omu face un pocu l’avvinta, tandu si pò ammirà da insù tutti i famosi pozzi chì sò cum'è tanti ochji à spiccà si nantu à u verde di i prati chì li stanu ingiru.

Dopu passatu qualchì stonda à cuntimplà, hè ora di turnà à marchjà s’omu vole ghjunghje à a Punta Urlandinu (2273 metri), è cusì lampà un sguardu à nantu à a corsa digià fatta è u Monte Rinosu chì chjode a zenna à manu dritta.

Torna dui passi in più è si ghjunghje à u Monte Tortu (2262 metri) sopra à i dui picculi lavi di u Rina, u suttanu è u supranu è po, più inlà, dui puntali in listessa direzzione è chjamati cun listessu nome: Cappella.

Dopu si deve esce da u chjassu è fà si un’inturchjata s’omu vole vultà à u puntu da duve si hè partutu à principiu.

Si farà un'arretta da arricoglie si davanti à e vistiche di a disgrazia aerea accaduta u 29 di decembre in u 1962. Fù quessu un fattu tragicu chì hà propiu arrubbatu tante vite giovane à a Corsica. Trà mezu à i pisticci di l’aviò sbrembatu ci hè solu una croce chì insegna u situ.

L’ambiente è u pensà pesanu assai di custindi è sarà solu più inlà u lavu di Niellucciu cù l’onda culor’ di smeralda à rende ci una cria di serenità.

Avale hè ora di vultà, allunghendu ci la cun tuttu ciò ch’ellu si scontra marchjendu, duronichi nantu à e sponde di i fiumicelli, murtelle, fravule è dinù rubi, tante surprese è rigali per l’ochji è pè u gustu.

U tempu di ghjunghje à i stazzi di Traghjette è u celebre GR20 è forse si hà da pudè festighjà cumu si deve u sboccu à u rifugiu di Cappannelle, è campà si cun quelli dulciumi fatti à modu casanu. Eccu una bella manera bella piacevule di compie una ghjurnata di spassighjata in muntagna.

 

A la découverte du massif du Rinosu

 

Le massif du Rinosu recèle quelques secrets qu’il sait distiller aux amoureux de nature et de grands espaces. Ainsi, au départ de la station de ski de Ghisoni avec les équipements nécessaires à toute sortie en montagne et quelques précautions d’usage, plusieurs itinéraires de randonnées sont possibles.

Le premier joyau qui se découvre au terme de quelques efforts est le lac Bastani, lové dans son écrin de pierre, au pied du Monte Rinosu. Cette pièce d’eau, gelée une bonne partie de l’année est située à plus de 2000 mètres d’altitude et offre un spectacle toujours différent au fil des heures de la journée ou des saisons.

Si l’on se décide à poursuivre l’ascension et au prix de quelques efforts plus conséquents, les pas peuvent porter jusqu’au sommet du Monte Rinosu qui culmine à 2352 mètres. C’est un promontoire de choix pour assister au coucher ou au lever du soleil sur la façade orientale et la mer. La croix  sommitale et la sculpture  qui figure une tête de maure ajoutent un aspect solennel au site. En été il n’est pas rare d’y croiser troupeaux de chèvres ou de moutons dont le passage est rythmé par le doux tintement des cloches. Les bêtes paient parfois cette villégiature estivale en cas d’orage car la foudre frappe fort sur ce plateau rocheux mais ces épisodes font au moins un heureux : le gypaète barbu en quête de nourriture.

En chemin on peut encore admirer le lac Bastani sous un angle différent, les amoureux ou les rêveurs se plaisent à dire qu’il a ici la forme d’un coeur.

Si le souffle et les jambes le permettent, le chemin peut se prolonger en restant pratiquement en crête et fouler alors pas moins de trois sommets de plus de 2000 mètres. Non sans avoir admiré au  passage le lac de Braca à hauteur de regard, le randonneur rencontrera tout d’abord Punta di Valle Longa (2281 mètres) qui offre également un joli belvédère sur toute la chaîne centrale et donc le faîte de la Corse : Monte Cintu.

La sente surplombe au passage le lac de Vitalaca et un léger détour permet d’admirer du haut les célèbres pozzi dont les innombrables yeux se détachent sur le vert des pelouses qui les entourent.

Après quelques instants contemplatifs, il est temps de continuer afin de parvenir à Punta Urlandinu (2273 mètres), ce qui permet de jeter un regard sur la course déjà effectuée et Monte Rinosu qui clôt l’arête sur la droite.

Quelques pas supplémentaires mènent au Monte Tortu (2262 mètres) qui surplombent les deux petits lacs de Rina, suttanu et supranu et au loin deux sommets dans le même axe baptisés du même nom, Cappella.

C’est en empruntant ensuite un itinéraire hors sentier que le marcheur peut faire une boucle pour rejoindre son point de départ.

Un moment de recueillement s’impose devant les vestiges de l’accident aérien survenu le 29 décembre 1962, épisode tragique qui a soustrait notamment trop de jeunes vies à l’île. Une simple croix marque le site parmi les débris de l’appareil.

L’ambiance et les pensées sont lourdes et ce n’est que plus loin que le lac de Niellucciu et ses eaux émeraude redonneront un peu de sérénité.

Il faut à présent rentrer, flânant au gré des rencontres faites en chemin, doronics qui bordent les ruisseaux, myrtilles, fraises des bois ou encore framboises, autant de surprises et de cadeaux pour le regard ou les papilles.

Le temps de rejoindre les bergeries de Traghjette puis le renommé GR20 et l’on pourra éventuellement fêter dignement l’arrivée au refuge de Cappannelle en se régalant des pâtisseries faites maison. Voilà une manière bien agréable de terminer une journée de randonnée en montagne.