Francisc GARRIGA

Un pueta di l'essenziale

 

    Sottu à l’arburatura diviziosa di u capu Formentera, ci simu cansati è emu discorsu cun Francisc GARRIGA.
   

    U pueta ùn hè di quelli diciuloni. Dice in poche parolle l’amore smensu ch’ellu ti hà pè a puesia. A cerca longa è spessa straziata di a      spressione individuale, a riassume in una formula chì ùn saria dispiaciuta à una bella manata di filosofi antichi, primurosi di palisà u fundamentu stessu di a vita è di a cundizione umana. Di pettu à e quistione essenziale, l’omu risposte ùn ne hà. Ùn ne averà. Ma un stimulu prufondu impunta à chere. Ancu senza risposte. Hè quessa a puesia per ellu.

     Serena è tragica.